Gazetarët serb pretendojnë që u penguan të ndiqnin takimin mes Osmanit dhe Escobar

I dërguari i posaçëm i SHBA-së për Ballkanin Perëndimor, Gabriel Escobar, ka mbërritur në Prishtinë për të takuar me Presidenten e Kosovës, Vjosa Osmani.

Escobar ka ardhur në takim me ambasadorin amerikan në Kosovë, Jeffrey Hovenier. Në Kosovë, Escobar do të takohet me përfaqësuesit e Qeverisë dhe opozitës dhe do të diskutojë dy tema kryesore – dialogun ndërmjet Kosovës dhe Serbisë dhe çështjen e dinarit. Ai nesër do të takohet edhe me kryeministrin e Republikës së Kosovës, Albin Kurti.

Disa ekipe mediatike që raportonin në gjuhën serbe nuk arritën të hyjnë në Presidencë dhe të regjistrojnë takimin e Presidentes, Vjosa Osmani, dhe të dërguarit special për Ballkanin Perëndimor, Gabriel Escobar, me sqarimin e zyrtarëve në Presidencë. se nuk kanë akreditimet e nevojshme./FrontOnline/