Kurti: Kemi pasur pakon më të madhe mbështetëse për qytetarë në Ballkan
Kryeministri i Kosovës, Albin Kurti thotë se parimi i qeverisjes së tij ishte: Rritja është e qëndrueshme atëherë kur ajo shpërndahet. Kurti përmes një shkrimi në “Facebook” ka folur për të arriturat e Qeverisë që sipas tij, iu kanë qëndruan pranë familjeve që nuk kishin asnjë të punësuar. Madje, sipas Kurtit, Qeveria e tij ka […]
Kryeministri i Kosovës, Albin Kurti thotë se parimi i qeverisjes së tij ishte: Rritja është e qëndrueshme atëherë kur ajo shpërndahet.
Kurti përmes një shkrimi në “Facebook” ka folur për të arriturat e Qeverisë që sipas tij, iu kanë qëndruan pranë familjeve që nuk kishin asnjë të punësuar.
Madje, sipas Kurtit, Qeveria e tij ka pasur pakon më të madhe mbështetëse për qytetarë në Ballkan si përqindje e Bruto Produktit Vendor.
Shkrimi i plotë:
Shteti dhe shoqëria përparon atëherë kur askush nuk mbetet mbrapa. Rritja është e qëndrueshme atëherë kur ajo shpërndahet. Këto kanë qenë parimet e qeverisjes sonë.
I kemi qëndruar besnik premtimit për nënat lehona dhe fëmijët nën moshën 16 vjeçare, që për herë të parë po marrin mbështetje nga shteti i tyre. Ata gjithmonë kanë qenë aty. Por shteti nuk ka qenë aty me ta, e për ta. Gjatë qeverisjes sonë të deritanishme, mbi 55 mijë nëna lehona dhe mbi 400 mijë fëmijë janë përfitues të shtesave përkatëse.