Lushaku-Sadriu: Qeveri e paaftë, po i mashtron vazhdimisht qytetarët

Kryetarja e Forumit të Gruas në Lidhjen Demokratike të Kosovës, Jehona Lushaku-Sadriu, ka thënë se qeveria po tregohet e paaftë për të ofruar zgjidhje për problemet e qytetarëve.

Lushaku-Sadriu tha se kjo qeveri nuk është në gjendje të mbajë premtimet e bëra.

“Kryeministri është i paaftë dhe po i shkakton vendit probleme. Qeveria po mashtron me keqinterpretime të shifrave të ndryshme sa i përket zhvillimit ekonomik. Kjo qeveri po i mashtron me të dhëna. Ata duhet ta kuptojnë që kjo qeveri po mashtron vazhdimisht. Këtë e bëjnë partitë popullsitë”, tha Lushaku gjatë emisionit në RTV Dukagjini.