RMV, sot votojnë të sëmurët dhe të burgosurit, diaspora voton vetëm për kandidatët për president

Në prag të zgjedhjeve të dyfishta – rrethi i dytë i zgjedhjeve presidenciale dhe parlamentare (8 maj), të sëmurët dhe të dobësuarit votojnë sot në vend. Votojnë edhe të burgosurit, personat në paraburgim dhe në bashkësi jashtëmartesore, si dhe dy persona të zhvendosur, transmeton Portalb.mk. Për raundin e dytë të zgjedhjeve presidenciale dhe parlamentare është […]

RMV, sot votojnë të sëmurët dhe të burgosurit, diaspora voton vetëm për kandidatët për president
Zgjedhje në Maqedoni, foto nga Portalb.mk

Në prag të zgjedhjeve të dyfishta – rrethi i dytë i zgjedhjeve presidenciale dhe parlamentare (8 maj), të sëmurët dhe të dobësuarit votojnë sot në vend. Votojnë edhe të burgosurit, personat në paraburgim dhe në bashkësi jashtëmartesore, si dhe dy persona të zhvendosur, transmeton Portalb.mk.

Për raundin e dytë të zgjedhjeve presidenciale dhe parlamentare është rritur numri i të sëmurëve dhe të paaftëve të regjistruar, të cilët sot do të vizitohen nga anëtarët e këshillave zgjedhore për të votuar në shtëpi.

Komisioni Shtetëror i Zgjedhjeve njoftoi se për zgjedhjet presidenciale do të votojnë 11.123 persona të sëmurë dhe të paaftë, ndërsa për zgjedhjet parlamentare numri është më i madh për 102 votues ose 11.225 të sëmurë dhe të pafuqishëm.

Gjithashtu, në 14 vendvotime në INP për zgjedhjet presidenciale duhet të votojnë 2147 votues, ndërsa në listën zgjedhore për zgjedhjet parlamentare janë regjistruar 2140 votues. Sot votojnë 534 votues të përkujdesur në 20 institucione të përkujdesit jashtëfamiljar dhe në Listën zgjedhore janë regjistruar edhe dy persona të zhvendosur brenda vendit.

Votimi në diasporë do të mbahet vetëm për raundin e dytë të zgjedhjeve presidenciale në 31 vendvotime, ndërsa në ecertifikatat e veçanta nga Lista zgjedhore për personat që kanë paraqitur kërkesë për votim në përfaqësitë diplomatike konsullore apo zyrat konsullore janë regjistruar 2.569 votues.

Votimi për zgjedhjet parlamentare në diasporë nuk do të bëhet për shkak se nuk është regjistruar një numër i mjaftueshëm i qytetarëve tanë.

Më 8 maj, në raundin e dytë të zgjedhjeve presidenciale, të drejtë vote kanë 1.814.317 votues, ndërsa në zgjedhjet parlamentare 1.815.350. Diferenca në vota është 1033, përgjithësisht për shkak të moshës madhore të qytetarëve.

Në raundin e dytë të zgjedhjeve presidenciale do të votohen Gordana Siljanovska Davkova, e mbështetur nga VMRO-DPMNE dhe Stevo Pendarovski, e mbështetur nga LSDM-ja, ndërsa në zgjedhjet parlamentare do të votohen 17 lista të deputetëve.

Kujtojmë se në rrethin e parë të zgjedhjeve presidenciale 2024 nga numri i përgjithshëm i votuesve 1.1814.317 votuan 867.000 qytetarë apo 49,94%, prej të cilëve numri i votave të vlefshme ishte 881.272 ndërsa vota të pavlefshme dolën 24.562. Në bazë të rezultateve të fundit, dallimi mes Bujar Osmanit dhe Arben Taravarit ishte mbi 37 mijë vota, ndërsa mes Siljana Davkovës dhe Stevo Pendarovskit ishte mbi 182 mijë vota.