Të shtëna me armë në Prishtinë, një i plagosur

Pas disa të shtënave sot në rrugën “Bedri Shala” në Prishtinë, një persona ka mbetur i plagosur.

Rastin e ka konfirmuar për Front Onlikne zëdhënësja e Policisë për rajonin e Prishtinës, Flora Ahmeti.

Ajo tha se janë duke u ndërmarrë veprimet hetimore për ndriqimin e plotë të rastit.

“Rreth orës 10:00, policia ka marrë informatën për të shtëna me armë në rrugën “Bedri Shala” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për një person të lënduar, i cili dyshohet të ketë marrë lëndime nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit”, u shpreh Ahmeti.