Vuçiç mohon se do ta takoj Kurtin në Paris

Presidenti I Serbisë Aleksanda Vuçiç ka mohuar raportet se do të ketë një takim me kryeministrin e Republikës së Kosovës Albin Kurti në kuadër të Samitit të Paqes. Ai ka deklaruar se nuk e sheh të nevojshe një takim të tillë, duke shtuar se nuk kanë çfarë të bisedojnë pa formimin e asociacionit të komunave me shumicë serbe në Kosovë.

Ai ka deklaruar se as që pret themelimin e këtij Asociacioni, përderisa në pushtet të jetë kryeministri Kurti.

“Nuk kemi çfarë të bisedojmë. Jo pa themelimin e asociacionit të komunave me shumicë serbe. Dhe nuk mendoj se do të ketë themelim të asociacionit përderisa në pushtet tëjetë Albin Kurti”, ka deklaruar Vuçiç. Ai edhe njëherë ka deklaruar se kurrë nuk do ta pranoj pavarësinë e Kosovës edhe përkundër presionit ndërkombëtarë./FrontOnline/