Arrestohet një person për keqpërdorim të fëmijëve në pornografi

Është arrestuar e më pas liruar një person i dyshuar për veprën penale keqpërdorim i fëmijëve në pornografi.

Rasti ka ndodhur në Ferizaj.

“Ferizaj 05.12.2023-13:30. Drejtoria e Hetimit për Krime Kibernetike pas veprimeve hetimore, ka identifikuar dhe arrestuar të dyshuarin mashkull kosovar, pasi që i njëjti ka kryer veprën penale të lartcekur. Lidhur me rastin pas intervistimit me vendim të prokurorit i dyshuari është liruar në procedurë të rregullt”, thuhet në njoftimin e policisë.