Ende Brazili shpreson në Ancelottin

Brazili shpreson ende në Ancelottin.

Brazili mbetet ende me shpresë që Carlo Ancelotti do të largohet nga Real Madridi dhe ta marrë në dorë këtë kombëtare.

Lajmin e ka bërë të ditur mediumi britanik “The Athletic”, përcjell Gazeta Express.

Edhe pse trajneri italian më herët gjatë këtij muaji theksoi se dëshiron ta respektojë kontratën me “Los Blancos”, e cila do të zgjasë deri në verën e vitit 2024, Federata e Futbollit të Brazilit mbetet optimiste rreth angazhimit të tij tek “Seleçao”.

Brazili madje e ka shtyrë afatin e fundit për ta zyrtarizuar selektorin e ri të Kombëtares.

Kombëtarja jug-amerikane po dështon që një kohë të gjatë për ta fituar Botërorin dhe për këtë po planifikon ta angazhojë Ancelottin, me të cilin do të synonte ta fitojë Botërorin e vitit 2026, i cili do të mbahet në Shtetet e Bashkuara të Amerikës dhe në Kanada.