Musliu-Shoshi: Në çfarë rruge po shkojmë, kush janë aleatët tanë nëse s’janë SHBA dhe BE?

Deputetja e PDK-së Ariana Musliu -Shoshi, ka një pyetje për Qeverinë Kurti.  Musliu ka kërkuar të dijë se kush janë aleatët, me të cilët Kosova do të ec përpara, nëse nuk janë SHBA-të dhe as BE.

“Ajo çfarë unë kërkova të na tregojë, është se nëse Amerika nuk është partner me të cilin ne bashkëpunojmë. Nëse shtete e BE-së nuk janë vende mike, që ne i vlerësojmë si aleatë. Nëse  Borrel dhe Lajçak nuk janë persona kredibil në përfaqësim. Atëherë në çfarë rruge ne po shkojmë. Kush janë partnerët tanë me të cilet ne duhet të ecim përpara. Pse çështjet e brendshme të Republikës së  Kosovës duhet të shëndrrohen në instrumente, ku diskutohet në organizatat ndërkombëtare, si ajo e Këshillit të Sigurimit. Çka është duke munguar në këtë linjë të komunikimit me aleatët tanë”, tha Musliu-Shoshi.