Rasti “Monstra”, u arrestua Alil Demiri në Kosovë
U arrestua Alil Demiri në Kosovë. Sipas informacioneve nga A1on, 38 vjeçari Demiri u arrestua në bashkëpunim me Policinë e Maqedonisë së Veriut, transmeton Portalb.mk. A1on ka marrë konfirmim edhe nga Ministria e Punëve të Brendshme në Maqedoninë e Veriut. “Sot Policia e Republikës së Kosovës, në bashkëpunim me Policinë e Maqedonisë, në Kosovë e […]
U arrestua Alil Demiri në Kosovë. Sipas informacioneve nga A1on, 38 vjeçari Demiri u arrestua në bashkëpunim me Policinë e Maqedonisë së Veriut, transmeton Portalb.mk.
A1on ka marrë konfirmim edhe nga Ministria e Punëve të Brendshme në Maqedoninë e Veriut.
“Sot Policia e Republikës së Kosovës, në bashkëpunim me Policinë e Maqedonisë, në Kosovë e kanë arrestuar 38 vjeçarin Alil Demiri, në bazë të fletearrestit ndërkombëtar të dhënë nga MPB-ja në RMV, kërkuar në lidhje me urdhrin e Gjykatës Themelore Shkupi 1”, deklarojnë nga MPB-ja.
Policia sqaroi që ai dyshohet për kryerjen e veprës penale “Terrorizëm”, e dënueshme në bazë të nenit 394 nga Kodi Penal, për vrasjen në Liqenin e Smilkovit, i njohur si “Rasti Mostra”.
Ndryshe, në Gjykatën Supreme të Maqedonisë së Veriut në muajin qershor u mbajt seanca publike për rastin “Monstra”, në të cilën mbrojtja kërkoi që të kthehet në rigjykim rasti për shkak të shkeljeve procedurale dhe mungesës së fakteve.
Mbrojtja konteston pretendimin për grup të përbashkët kriminal, ndërkaq dëshmitarin “E1” e quan të montuar dhe të rrejshëm. Ata kanë vërejtje për ekspertiza e dheut, por edhe të gëzhojave, ndërkaq siç theksuan, është skandaloze se si është humbur çelësi i veturës “Opel Omega”, të cilën, Prokuroria pretendon se e kanë përdorur të akuzuarit gjatë kryerjes së veprës.
Prokuroria nga ana tjetër, i hodhi poshtë pretendimet e mbrojtjes dhe tha se ka vepruar sipas udhëzimeve të Gjykatës Supreme. Sipas tyre, vrasja është kryer me qëllim që të shkaktohet ndjenjë pasigurie dhe frike te qytetarët.