Tentoi ta vë në lajthitje policinë duke u lajmëruar rrejshëm si ankues, arrestohet 20-vjeçari në Vushtrri

Policia e Kosovës njoftoi të shtunën se ka arrestuar në Vushtrri një person të dyshuar për veprën  penale ‘Prezantim i rremë’.

Sipas njoftimit, i njëjti ka tentuar që ta vë në lajthitje policinë duke u lajmëruar rrejshëm si ankues dhe po ashtu është prezantuar rrejshëm si person zyrtar.

“Hetuesit policorë kanë ndërmarrë veprime hetimore e operative që kanë rezultuar me identifikimin dhe arrestimin e të dyshuarit; B. M. 20 vjeç, mashkull, shtetas i Republikës së Kosovës.

Arrestimi i të dyshuarit është bërë mbi dyshime të bazuara pasi i dyshuari ka telefonuar disa herë në linjë emergjente që ka tentuar ta vë në lajthim policinë  duke u lajmëruar  rrejshëm si ankues, po ashtu është prezantuar rrejshëm edhe si person zyrtar”, thuhet në komunikatën e policisë.