CIVIL: Shkelja e fshehtësisë së votës dhe e heshtjes zgjedhore, një vëzhgues lëshoi himnin e partisë në qendër votimi
Organizata Civili ka raportuar për shkeljet gjatë procesit zgjedhor deri më tani. Nga aty thonë se në kopshtin “Pranvera” në Kozle, një vëzhguese në telefonin e saj lëshoi himnin e një partie të caktuar politike në vendvotim, pa asnjë reagim nga Këshilli Zgjedhor. Vetëm pasi e ka vënë në dukje një qytetar KZ ka reaguar […]
Organizata Civili ka raportuar për shkeljet gjatë procesit zgjedhor deri më tani. Nga aty thonë se në kopshtin “Pranvera” në Kozle, një vëzhguese në telefonin e saj lëshoi himnin e një partie të caktuar politike në vendvotim, pa asnjë reagim nga Këshilli Zgjedhor. Vetëm pasi e ka vënë në dukje një qytetar KZ ka reaguar me paralajmërim, transmeton Portalb.mk.
Në të njëjtin vendvotim anëtarët e KZ-së thonë me zë të lartë emrat dhe komentojnë me zë të lartë nëse dikush refuzon të marrë njërën nga fletët e votimit. Kjo paraqet shkelje të fshehtësisë së votës, si dhe ndikim, pra thyerje të heshtjes zgjedhore.
Në vendvotimin 2720 në Aerodrom, anëtarët e KZ -së pyesin me zë të lartë se pse disa qytetarë nuk e pranojnë njërën nga fletëvotimet.
Por ka vende ku heshtja zgjedhore thyhet në një mënyrë tjetër.
Në Çair, në vendvotimin 2882, Sh.F. “Hasan Prishtina”, anëtar i Bordit Zgjedhor, u sugjeron votuesve që të mos pranojnë njërën prej fletëvotimeve.
Ndryshe, në zgjedhjet parlamentare, deri në orën 13:00 kanë votuar 312 070 votues, gjegjësisht 25.84 %. Për krahasim, në zgjedhjet parlamentare të vitit 2020, deri në këtë orë kanë votuar 432.026 votues, gjegjësisht 23.81 %. Dallimi në krahasim me zgjedhjet e 2020 është 2.03% më shumë votues.
