Çollaku: S’mund të ketë agresion ushtarak në Kosovë

Njohësi i çështjeve të sigurisë, Fatmir Çollaku, ka deklaruar se situata në veri të vendit është e brishtë.

Ai në “Five” të TV Dukagjinit, tha se mund të ketë skenarë të ndryshëm nga Serbia por që s’mund të ketë agresion ushtarak.

“Shqetësimi është permanent meqë bëhet fjalë për zonë të ndjeshme ku trazirat në kontunitet kanë qenë dhe janë implementu skenarë të ndryshëm nga Serbia. Shqetësimi është real, por shqetësimi në kuptimin e frikës se po ndodh diçka e madhe, këto deklarime janë të shpeshta apo me tendenca apo në kontest më të gjerë se deklarata”, tha ai.

Sipas tij mund të ketë sulme hibride apo diverzante por që Policia e Kosovës tashmë ka treguar se është në gjendje të përballet me çdo lloj situate.