Lëvizje e papritur, Firminho po transferohet të gjiganti nga Serie A

Juventusi është futur në garë për shërbimet e sulmuesit të Liverpoolit, Roberto Firmino. Kështu ka raportuar të hënën “Calciomercato”.

Në garë për futbollistin brazilian është edhe Real Madridi. Juventusi e sheh Firminon si zëvendësues të sulmuesit Dushan Vlahoviq, i cili dëshiron ta vazhdojë karrierën në ndonjë skuadër tjetër evropiane.

31-vjeçari Firmino është lojtar i lirë. Ai nuk e vazhdoi kontratën me skuadrën angleze.

Reprezentuesi i Brazilit, pjesë e Liverpoolit ka qenë prej vitit 2015. Në sezonin e tij të fundit me fanellën e Liverpoolit ka shënuar 13 gola dhe ka asistuar pesë herë në 35 ndeshje.