Raporti i KE: Autoritetet në Kosovë të përmbahen nga përdorimi i forcave speciale policore në Veri

Autoritetet në Kosovë duhet të përmbahen nga përdorimi i forcave speciale policore në Veri të Kosovës për të kryer detyrat e zakonshme policore dhe të sigurojnë që forcat e tilla të dislokohen vetëm aty ku është e nevojshme dhe në bashkëpunim të ngushtë me KFOR-in dhe EULEX-in. Kështu thuhet ndër të tjera në konkluzionet e raportit të ekspertëve juridikë të Këshillit të Evropës për përputhshmërinë e sistemit juridik të Kosovës me standardet e Këshillit të Evropës, transmeton FrontOnline.

Raporti është përgatitur si pjesë e procedurës për shqyrtimin e kërkesës së Kosovës për anëtarësim në Këshillin e Evropës, e cila është dorëzuar më 12 maj 2022, dhe autorë të raportit janë Tomas Markert dhe Spiliopoulu Akermark./FrontOnline/