SHSKUK reagon mbi zhvillimet në Spitalin e Gjakovës, dënon sulmin ndaj gazetarëve
Shërbimi Spitalor dhe Klinik Universitar i Kosovës (ShSKUK), ka bërë të ditur se është duke analizuar situatën e fundit në Spitalin e Përgjithshëm “Isa Grezda”, në Gjakovë. Në një njoftim të tyre, thuhet se menaxhmenti i ShSKUK-së, do të ndërmarrë të gjitha veprimet e nevojshme, konform kompetencave ligjore që ka, për të ofruar shërbime shëndetësore […]
Shërbimi Spitalor dhe Klinik Universitar i Kosovës (ShSKUK), ka bërë të ditur se është duke analizuar situatën e fundit në Spitalin e Përgjithshëm “Isa Grezda”, në Gjakovë.
Në një njoftim të tyre, thuhet se menaxhmenti i ShSKUK-së, do të ndërmarrë të gjitha veprimet e nevojshme, konform kompetencave ligjore që ka, për të ofruar shërbime shëndetësore për qytetarët e rajonit të Gjakovës.
Madje në këtë reagim ShSKUK, e dënon veprimin e të punësuarve të Spitalit, që penguan punën e lirë të gazetarëve dhe medieve, duke garantuar dhe ofruar bashkëpunim të plotë me mediet dhe gazetarët.
‘’ShSKUK, nuk ka qenë në dijeni për pengimin e gazetarëve, deri në publikimin e videos nga mediet’’, thuhet mes tjerash.
Derisa nga ky institucion theksohet që së shpejti do të bëhen publik hapat që do të ndërmerren në Spitalin e Gjakovës.
