Aktgjykimi për Ligjin për Zyrtarët Publik, Gashi: Pushteti sot e mori edhe një karton të kuq nga Kushtetuesja

Shefi i Grupit Parlamentar të LDK’së, Arben Gashi, ka reaguar pasi Gjykata Kushtetuese shpalli Aktgjykimin për Ligjin për Zyrtarët Publik, pas kërkesës për vlerësim të kushtetueshmërisë nga deputetët e kësaj partie dhe ata të PDK’së.

Gashi ka thënë se me Aktgjykimin e Kushtetueses “lufta e pushtetit për pushtet pa kufi sot e mori edhe një karton të kuq nga Gjykata Kushtetuese.”.

“Sot, fitoi ligjshmëria, fitoi kushtetutshmëria. Humbi mundësia e kapjes së radhës, humbi beteja kundër zyrtarëve publikë. Humbi mendësia shkatërruese – antikushtetuese.

Gjykata e rrëzoi Ligjin për Zyrtarët Publikë: Kolegji i gjyqtarëve të Gjykatës ka vendosur njëzëri që Ligji për Zyrtarët Publikë nuk është në përputhshmëri me dy paragrafin 1 të nenit 3, Barazia para Ligjit, të Kushtetutës së Kosovës”, ka shkruar Gashi.

Ndryshe, Gjykata Kushtetuese ka konstatuar se disa dispozita të Ligjit për Zyrtarët Publik nuk janë në përputhshmëri me Kushtetutën.

Gjykata ka vendosur që Ligji i kontestuar t’i dërgohet Presidentes opër shpallje, pa dispozitat e konstatuara në kundërshtim me Kushtetuetën dhe ka urdhëruar Kuvendin që brenda gjashtë muajve nga hyrja në fuqi e Aktgjykimit të ndërmarrë veprimet e nevojshme për plotësimin dhe ndryshimin e disa paragrafeve të këtij ligji.