Bytyqi e AAK-së: Rozeta Hajdari është ministrja e dështuar e kësaj Qeverie
Deputetja e AAK-së, Albana Bytyqi, ka reaguar pas publikimin e të përgjimeve rreth rezervave shtetërore në kuadër të Ministrisë së Tregtisë, Ndermarrësisë dhe Tregtisë. Ajo, përmes një postimi në profilin e saj në rrjetin social Facebook, ka shkruar se nga kjo qeveri aferat nuk do të kenë fund. Sipas saj, Rozeta Hajdari është ministrja e […]
Deputetja e AAK-së, Albana Bytyqi, ka reaguar pas publikimin e të përgjimeve rreth rezervave shtetërore në kuadër të Ministrisë së Tregtisë, Ndermarrësisë dhe Tregtisë.
Ajo, përmes një postimi në profilin e saj në rrjetin social Facebook, ka shkruar se nga kjo qeveri aferat nuk do të kenë fund.
Sipas saj, Rozeta Hajdari është ministrja e dështuar e kësaj Qeverie.
Postimi i saj i plotë:
Nga afera Zdravo tash në aferën e Vajit dhe pa asnjë mëdyshje edhe shumë e shumë afera të tjera që s’do të kenë fund në të ardhmen.
Rozeta Hajdari është ministrja e dështuar e kësaj Qeverie. Mbi 300 mijë euro të taksave të qytetarëve janë avulluar për vajin nga Polonia, i destinuar për rezerva shtetërore për një mall që nuk ka ardh e as që do të vij. Ky është një MEGASKANDAL.
Kjo qeveri që ua ka shti frikën në palcë zyrtarëve civilë duke i futur në situata të tmerrshme që mund të ndiqen penalisht, është për të ardh keq. Kjo gjendje është e frikshme. Kjo gjendje duhet të ndalet. Dhe mënyra e vetme për ta ndal ‘’luftën’’ që ky pushtet e ka shpall me zyrtarët civilë por edhe me qytetarët e këtij vendi, është duke i dhënë fund kësaj tiranie.
Poshtë Qeveria Z!