Gërvalla takon ministrin gjerman të Mbrojtjes, flasin për sigurinë në Kosovë dhe rajon
Zëvendëskryeministrja dhe ministrja e Punëve të Jashtme dhe Diasporës e Republikës së Kosovës, Donika Gërvalla, ka takuar ministrin Federal të Mbrojtjes të Gjermanisë, Boris Pistorious, në prag të vizitës së tij në Republikën e Kosovës. Gërvalla e njoftoi ministrin Pistorius rreth situatës së sigurisë në Kosovë dhe rajon, veprimeve të vazhdueshme kërcënuese të Serbisë dhe […]
Zëvendëskryeministrja dhe ministrja e Punëve të Jashtme dhe Diasporës e Republikës së Kosovës, Donika Gërvalla, ka takuar ministrin Federal të Mbrojtjes të Gjermanisë, Boris Pistorious, në prag të vizitës së tij në Republikën e Kosovës.
Gërvalla e njoftoi ministrin Pistorius rreth situatës së sigurisë në Kosovë dhe rajon, veprimeve të vazhdueshme kërcënuese të Serbisë dhe nevojën e ndërmarrjes së hapave të shpejtë dhe të vendosur për ruajtjen e paqes së brishtë në rajon.
Ministrja Gërvalla, përmes një postimi në platformën X, tha se ka falënderuar ministrin e Mbrojtjes të Gjermanisë për bashkëpunimin në fushën e sigurisë, në veçanti për mbështetjen e madhe që Gjermania i ka dhënë FSK-së në ngritjen e kapaciteteve si dhe kontributin e Gjermanisë të dhënë prej vitesh në kuadër të KFOR-it.
Grateful for a remarkable meeting and a very trustful exchange w/
Minister of Defense, Boris Pistorius.
It was important and encouraging to analyze the situation in
and in the region in a clear-eyed manner with a close partner from
Ganz herzlichen Dank, Herr Pistorius pic.twitter.com/bZC9Reqd30
— Donika Gërvalla-Schwarz (@gervallaschwarz) January 31, 2024
Në këtë drejtim Gërvalla kërkoi një rritje dhe përforcim të rolit të Gjermanisë në rajon.
Ky takim shënon një hap të rëndësishëm drejt thellimit të bashkëpunimit në mes të dy shteteve, duke krijuar mundësi për një të ardhme të sigurt dhe prosperues në rajon.
