Hovenier reagon pas dorëheqjes së Mehajt nga posti i ministrit të Mbrojtjes

Ambasadori i SHBA-së në Kosovë, Jeff Hovenier, ka reaguar pas dorëheqjes së ministrit të Mbrojtjes, Armend Mehaj, i cili tha se për arsye familjare po e përfundon mandatin e tij.

Ambasadori Hovenier i cili priti Mehajn në vizitën përmbyllëse të tij në Ambasadën amerikane në Prishtinë, shfrytëzoi rastin për ta falënderuar për shërbimin dhe bashkëpunimin e tij.

“E vlerësova mundësinë që të falënderoj ish-Ministrin e Mbrojtjes, Mehajn, për shërbimin e tij, bashkëpunimin tonë të ngushtë dhe partneritetin gjatë mandatit të tij. Ia dëshiroj të gjitha të mirat në angazhimet e tij të ardhshme”, ka shkruar Hovenier.

Appreciated the opportunity to thank Former Minister of Defense Mehaj for his service and our close cooperation and partnership during his tenure. Wishing him the best in his upcoming endeavors. pic.twitter.com/qqFN1G4hNb

— Ambassador Jeff Hovenier (@USAmbKosovo) August 8, 2023

Mehaj, i cili erdhi si ushtarak nga Norvegjia, për të shërbyer në Qeverinë e Kosovës dha dorëheqje nga pozita e tij pas 2 vjet e pesë muajsh.

Ndërsa, ministër i Mbrojtjes u emërua Ejup Maqedonci, që deri tash ka shërbyer në Forcën e Sigurisë së Kosovës.