RMV, Policia publikoi disa parregullsi tjera që kanë ndodhur nëpër vendovotime
Ministria për Punë të Brendshme në Maqedoninë e Veriut ka publikuar disa nga parregullsitë e reja që ka arritur të regjistron gjatë procesit zgjedhor. Parregullsitë kryesisht kanë të bëjnë më fotografimin e fletës së votimit, transmeton Portalb.mk. “Në ora 11:10 është raportuar se në fshatin Koxhalija, komuna e Radovishit, në vendvotimin me numër 1602, S.A. […]
Ministria për Punë të Brendshme në Maqedoninë e Veriut ka publikuar disa nga parregullsitë e reja që ka arritur të regjistron gjatë procesit zgjedhor. Parregullsitë kryesisht kanë të bëjnë më fotografimin e fletës së votimit, transmeton Portalb.mk.
“Në ora 11:10 është raportuar se në fshatin Koxhalija, komuna e Radovishit, në vendvotimin me numër 1602, S.A. nga fshati Koxhalija e ka fotografuat fletën e votimit”, raportoi Policia.
Ata theksojnë se do të merren masa për zbardhjen e rastit.
“Rreth orës 12:15 është raportuar se në vendvotimin me numër 2683/1 në Shkup, 40 vjeçari A.S. nga Shkupi e ka fotografuar fletën e votimit”, raportoi Policia, duke shtuar se e njëjta është raportuar edhe për 48 vjeçarin A.I. në Ohër, 42 vjeçarin D.T. në Berovë dhe për S.S. në Shkup.
Ndryshe, në procesin për zgjedhjet presidenciale në Maqedoninë e Veriut, deri në ora 15:00 janë regjistruar 233 kundërshtime në Komisionin Shtetëror të Zgjedhjeve. Deri më tani parregullsi ka raportuar edhe Ministria për Punë të Brendshme dhe Prokuroria.
Qytetarët e Maqedonisë së Veriut sot votojnë për presidentin e vendit. Kutitë e votimit janë hapur që në orën 7:00, ndërsa do të mbyllen në orën 19:00. Të drejtë vote kanë 1.814.317 persona ndërsa 1.713.758 votues janë të regjistruar për votim në 3.480 vendvotime në tërë vendin. Në garë janë 7 kandidatë, kurse këto janë zgjedhjet e shtata presidenciale.
- LEXO: Maqedonia e Veriut voton në zgjedhjet presidenciale, të gjitha lajmet për procesin, minutë pas minuti (LIVE)
- LEXO: Numri i votuesve të regjistruar në të gjitha zgjedhjet presidenciale të RMV-së 1994-2024
- LEXO: RMV, përqindja e daljes së votuesve në të gjitha zgjedhjet presidenciale deri më tani (Infografik)